यशश्री अपडेट्स :
एलपीजी गॅस सिलेंडरच्या नियमात मोठे बदल केले जात आहेत. शिवाय पूर्वी असलेले नियम तेल कंपन्यांकडून कडक करण्यात आली. एलपीजी सिलेंडरचा तुटवडा असतानाच आता मोठा निर्णय तेल कंपन्यांकडून घेण्यात आला.
इराण आणि अमेरिका युद्धात एलपीजी गॅसची मोठी समस्या आहे. एलपीजी गॅसची टंचाई निर्माण झाली. अमेरिकेने इराणवर हल्ला करताच इराणकडून होर्मुज खाडी बंद करण्यात आली. होर्मुज खाडी बंद असल्याने एसपीजी गॅसचा पुरवठा ठप्प झाला. यादरम्यानच आता केंद्र सरकारने घरगुती एलपीजी गॅसवरील सबसिडीबद्दल मोठा निर्णय घेतला. सरकारी तेल कंपन्यांनी आयकर विभागासोबत संपर्क करून जे लोक सबसिडीत गॅस वापरत आहेत किंवा सबसिडीचा फायदा उचलतात त्यांची माहिती मागवली आहे. या लोकांची ओळख पटताच कंपन्या तात्काळ कारवाई करत सबसिडी बंद करतील. सबसिडीसाठी पात्र असलेल्या ग्राहकांना कंपन्यांकडून सात दिवसांचा वेळ देण्यात आला. मिंटच्या रिपोर्टनुसार, सरकारकडून अशा ग्राहकांची सबसिडी बंद केली जात आहे, ज्यांचे उत्पन्न 10 लाखापेक्षा जास्त आहे.
याबाबत आता थेट तेल कंपन्यांकडून पाऊले उचलली जात आहेत. कंपन्यांकडून अशा ग्राहकांना मेसेज पाठवण्याचे काम सुरू आहे. ग्रॉस टॅक्सेबल इनकम घरातील सदस्याचे चेक केले जाईल. कंपन्यांनी पाठवलेल्या मेसेजमध्ये स्पष्ट सांगण्यात आले की, जर ग्राहकांना वाटत असेल की, त्यांच्याबद्दलचा डेटा चुकीचा आहे. तर त्यांना 7 दिवसांच्या आत याबाबत तक्रार दाखल करावी लागेल.
