यशश्री अपडेट्स -परांडा(प्रतिनिधी )
शासनाच्या विविध सामाजिक सुरक्षा व पेन्शन योजनांचा लाभ घेणाऱ्या लाभार्थ्यांसाठी महत्त्वाची सूचना जारी करण्यात आली आहे. संबंधित लाभार्थ्यांनी हयात प्रमाणपत्र (Life Certificate) वेळेत काढून सादर करणे आवश्यक असल्याचे आवाहन करण्यात आले आहे. अन्यथा पुढील महिन्यापासून मिळणारा आर्थिक लाभ अथवा पेन्शन तात्पुरती थांबवली जाण्याची शक्यता व्यक्त करण्यात आली आहे.
या सूचनेनुसार खालील योजनांतील लाभार्थ्यांनी ही प्रक्रिया पूर्ण करणे आवश्यक आहे:
▪️ संजय गांधी निराधार योजना
▪️ श्रावण बाळ निराधार योजना
▪️ इंदिरा गांधी वृद्धापकाळ योजना
▪️ इंदिरा गांधी राष्ट्रीय विधवा पेन्शन योजना
▪️ अपंग पेन्शन योजना
हयात प्रमाणपत्र म्हणजे काय?
हयात प्रमाणपत्र म्हणजे लाभार्थी व्यक्ती जिवंत असल्याचा अधिकृत पुरावा. शासनाकडून दिल्या जाणाऱ्या पेन्शन व आर्थिक सहाय्याचा लाभ योग्य लाभार्थ्यांपर्यंत पोहोचावा यासाठी ही प्रक्रिया आवश्यक असते.
प्रमाणपत्र काढताना काय आवश्यक?
लाभार्थ्यांनी खालील कागदपत्रांसह उपस्थित राहावे:
✔️ आधार कार्ड
✔️ मोबाईल नंबर
✔️ लाभार्थी व्यक्ती स्वतः उपस्थित असणे आवश्यक
प्रशासनाकडून लाभार्थ्यांना वेळेत प्रक्रिया पूर्ण करण्याचे आवाहन करण्यात आले असून, शेवटच्या क्षणी गर्दी टाळण्यासाठी लवकरात लवकर हयात प्रमाणपत्र सादर करण्याचा सल्ला देण्यात आला आहे.
“हयात प्रमाणपत्र वेळेत काढा आणि आपला लाभ सुरू ठेवा” असा संदेश या माध्यमातून देण्यात आला आहे.
