स्थापनेपासूनचे सर्वात कमी वयाचे अध्यक्ष होण्याचा अभिलाष लोमटे यांना मान
धाराशिव (यशश्री अपडेट्स):
जिल्ह्यातील सहकार शिक्षण, प्रशिक्षण व सहकार जनजागृतीसाठी कार्य करणारी शिखर संस्था असलेल्या ‘धाराशिव जिल्हा सहकार बोर्डाच्या’ अध्यक्षपदी युवा नेतृत्व अभिलाष लोमटे यांची, तर उपाध्यक्षपदी अविनाश माळी यांची बिनविरोध निवड करण्यात आली आहे. विशेष म्हणजे, सन १९५८ साली स्थापना झालेल्या या बोर्डाच्या इतिहासामध्ये आजवरचे सर्वात कमी वयाचे अध्यक्ष होण्याचा बहुमान अभिलाष लोमटे यांना मिळाला आहे.
सहकार चळवळीला मिळणार नवी दिशा
धाराशिव जिल्हा सहकार बोर्ड ही जिल्ह्यातील सहकारी संस्थांचे पदाधिकारी, संचालक, कर्मचारी व सभासद यांना सहकार विषयक शिक्षण, प्रशिक्षण आणि मार्गदर्शन देणारी अग्रणी संस्था आहे. सहकार चळवळ अधिक सक्षम, आधुनिक व लोकाभिमुख करण्यासाठी या संस्थेचे नेहमीच मोलाचे योगदान राहिले आहे.
नूतन अध्यक्ष अभिलाष लोमटे हे ‘सहकार भारती’ धाराशिवचे जिल्हा महामंत्री, धाराशिव जिल्हा व्यापारी महासंघाचे सचिव तसेच एकता परिवाराचे सचिव म्हणून कार्यरत आहेत. त्यांचे सहकार क्षेत्रातील सातत्यपूर्ण योगदान, प्रभावी संघटन कौशल्य आणि सर्वसमावेशक कार्यपद्धतीची दखल घेत ही महत्त्वाची जबाबदारी त्यांच्यावर सोपविण्यात आली आहे.
“धाराशिव जिल्हा सहकार बोर्डाच्या माध्यमातून सहकार शिक्षण व प्रशिक्षण अधिक गुणवत्तापूर्ण, आधुनिक आणि परिणामकारक करण्यासाठी आम्ही कटिबद्ध आहोत. युवकांचा सहकार क्षेत्रातील सहभाग वाढविणे, डिजिटल प्रशिक्षणाला चालना देणे आणि सहकारी संस्थांना सक्षम करण्यासाठी नाविन्यपूर्ण उपक्रम राबविणे हे आमचे मुख्य प्राधान्य राहील.”
— अभिलाष लोमटे (नूतन अध्यक्ष, धाराशिव जिल्हा सहकार बोर्ड)नूतन संचालक मंडळ खालीलप्रमाणे:
अध्यक्ष व उपाध्यक्ष पदासोबतच बोर्डाच्या संचालक मंडळाचीही बिनविरोध निवड करण्यात आली आहे.
- अध्यक्ष: अभिलाष लोमटे
- उपाध्यक्ष: अविनाश माळी
- संचालक:
- ओम नाईकवाडी
- मनोज पडवळ
- अविनाश देशमुख
- ॲड. प्रकाश मोठे
- गोपाळ आदटराव
- नेताजी कवठे
- बसलिंग गाढवे
- धैर्यशील जाधव
- विठ्ठल मासाळ
- सौ. रतन चौधरी
- सौ. अपेक्षा आष्टे
या सर्वसमावेशक आणि तरुण नूतन कार्यकारिणीचे सहकार क्षेत्रातून व सर्व स्तरातून मोठे कौतुक व अभिनंदन होत असून, त्यांच्या मार्गदर्शनाखाली जिल्ह्यातील सहकार चळवळ अधिक मजबूत होईल, असा विश्वास व्यक्त केला जात आहे.
अभिनंदन…..